Kosova e publikon listën e lojtarëve për turneun e hendbollit në Zvicër

19:34 | 30 Dhjetor 2024
D.H

Kombëtarja e Kosovës në hendboll në konkurrencë të meshkujve në fillim të vitit 2025 do të paraqitet në turneun prestigjioz “Yellow Cup” që mbahet në Winterthur të Zvicrës.

Kombëtarja jonë i zhvillon tri ndeshje, ndërsa për kundërshtarë ka ekipe kombëtare që më vonë në janar paraqiten në Kampionatin Botëror.

Të premten, më 3 janar prej orës 20:30, Kosova luan ndaj Holandës, me të cilën barazuam në Prishtinë në kuadër të kualifikimeve.

Më 4 janar prej orës 19:00 është ndeshja Zvicër – Kosovë.

Ndërkohë të dielën prej orës 14:30 është ndeshja Itali – Kosovë.

Është ky edicioni i 51-të i turneut “Yellow Cup”.

Selektori i Kosovës, Bujar Qerimi, të hënën ka shpallur listën e lojtarëve të ftuar. Kombëtares sonë i mungojnë dy lojtarë të rëndësishëm, pivoti Kastriot Jupa dhe aloja Kushtrim Ninaj. Të dy janë të lënduar.

Në Kombëtare janë ftuar lojtarë tashmë të konfirmuar. Grumbullimi bëhet më 2 janar në Winterthur.

Shpërndaje në rrjete sociale

Lajmet më të lexuara

Të ngjashme

Foto lajm